`Qarabağ` reytinq cədvəlində irəliləyib
17:59 19 Oktyabr 2017
Çempionlar Liqasının qrup mərhələsinin III turundan sonra klubların UEFA reytinqi açıqlanıb.
Femida.az -ın məlumatına görə, Çempionlar Liqasının baş tutan 16 qarşılaşması siyahıda bəzi dəyişiklikləri nəticələnib.
2018-ci ilin yayından tətbiq olunacaq yeni hesablama metodu üzrə tərtib edilən cədvəlin ilk “100-lüy”ündə yeganə Azərbaycan klubu “Qarabağ”dı. İspaniyanın “Atletiko” klubu ilə Bakıdakı qolsuz heç-heçə çempionumuzun aktivinə daha 1 xal gətirib.
Bununla, Qurban Qurbanovun yetirmələrinin aktivindəki əmsal 19,500-ə qədər artıb. Cari mövsümdə 5 xal əldə edən “Qarabağ” irəliləməyə də müvəffəq olub.
Ağdam klubu hazırda Avropanın 66-cısı adına şərikdi. Təmsilçimiz Hollandiya “Feyenoord”u ilə eyni göstəriciyə malikdi.
“Atletiko” ilə qarşılaşmayadək 18,500 xalı olan “Qarabağ” Belarus BATE-si ilə 70-ci yeri bölürdü. 4 pillə irəliləyən çempionumuz BATE-dən başqa, “Betis”, “Real Sosyedad” və “Selta”nı arxada qoyub.
Hələlik rəsmi xarakter daşıyan, lakin yeni mövsümdə - yəni indiki nəticələrin nəzərə alınacağı vaxt etibarsız olan köhnə metodlu cədvəldə isə “Qarabağ”ın 23,225 xalı var.
Qeyd edək ki, hər iki metodlu hesablamada siyahıya İspaniya “Real”ı başçılıq edir.
Femida.az
Oxunub: 1654
Oxşar xəbərlər
- `Qarabağ` – `Çelsi` matçında rekord
- `Qarabağ` üçün daha bir tarixi gün - Rəqib `Çelsi`dir
- `Qarabağ`-`Çelsi` oyunu üçün 400 avtobus ayrılıb
- `Qarabağ` - `Çelsi` görüşünə nə qədər bilet satılıb?
- `Qarabağ`ın oyununda xareoqrafiya şousu olacaq
- `Qarabağ` - `Çelsi` matçına nə qədər bilet satılıb?
- `Qarabağ` yenə `Atletiko`nu məyus etdi
- `Qarabağ` `Atletiko`ya məğlub oldu
- `Qarabağ` üçün daha bir tarixi gün - Rəqib `Atletiko`dur
- `Qarabağ` - `Atletiko` oyununa 35 min bilet satılıb